परत चूक


यार परत चूक झाली. काल सकाळी माझी सिनिअर मला बरंच काही बोलली. पण मला काहीच नाही कळलं. माझ्या संगणकावर ते भंगार इंटरनेट एक्सप्लोरर आहे. त्यावर मी केलेलं काम बरोबर दिसत होत. आणि काम बरोबर चालू आहे म्हणून मी देखील निश्चिंत होतो. पण घरी आल्यावर बघितलं तर बाकीच्या ब्राउझरमध्ये बिघडलेल. मग माझ्या लक्षात आल की ती एवढी का भडकली होती. बर त्यांना मला ती हवी असलेली सोफ्टवेअर मागितलेली होती. पण एवढी मोठी कंपनी. आणि पैसे लागतात म्हटलं की नाही म्हणाले. बर कसे बसे दोन सोफ्टवेअर दिलेत. बर ते इन्स्टाल करायला किती वेळ लागतो. दहा मिनिटांच काम. दोन आठवड्यांनी एक सोफ्टवेअर टाकल. आणि अजून दुसऱ्या सॉफ्टवेअरला बहुतेक मुहूर्त पाहून टाकणार असतील. मला माझ झालेलं काम सगळ्या ब्राउझरच्यामध्ये बघण्यासाठी आधी एक ‘अडोब’चे सोफ्टवेअर मिळते. ते मागितले. पण दिले नाही. आणि आता त्या चुकलेलं काम परत करा. असल् डोक दुखत आहे ना. सोफ्टवेअर देणार नाहीत. आणि चुका का झाल्या असा उलट प्रश्न विचारणार. आता आज मी माझ्या सिनिअराला झापणार आहे.

काल मला म्हणत होती की सोफ्टवेअर असून देखील चुका कशा होतात. म्हणजे गाडीत पेट्रोल नाही. आणि म्हणणार की गाडी का पळत नाही. पेट्रोल भर म्हटलं तर त्याला पैसे लागतात अस उलट उत्तर देणार. बर जे मोफत सोफ्टवेअर मिळतात ते द्या म्हटलं तर तेही नाही. आता ही चूक माझीच धरणार ना. माझ्या मागील प्रोजेक्टमध्ये देखील असंच. जुन्या कंपनीत असताना तर काही विचारूच नका. तो माझा ‘हीरो’ सिनिअर. वय सोडून कुठल्याही गोष्टीने सिनिअर नव्हता. ‘वेब’मधील काय कळत नव्हत. पण ऑर्डर सोडणार. बर ते अस व्हायचं की कधीही पाण्यात न  उतरलेला, पाण्यात सूर कसा मारायचा आणि कसा असायला हवा यावर पोहाणार्याच्या मागे लागून वेळखाऊ ‘लेक्चर’ देणार. त्याची काम बाजूला आणि माझ्या कामात नाक खुपसायचा. जाऊ द्या. आता ते केलेलं काम कस सुधारायचं याचा विचार करीत आहे. आत्तापर्यंत बाकीच्या सगळ्या ब्राउझरमध्ये बरोबर यायचं आणि इंटरनेट एक्सप्लोररमध्ये काही ना काही अडचण यायची. आणि ते सोडवताना खूप डोक दुखायचं. पण यावेळी उलट झाल आहे.

मायक्रोसॉफ्टने इतके सोफ्टवेअर बनवले आहे. त्यांची ओएस देखील आहे. पण सगळ्यात एक समानता आहे, की सगळ्यांत काही ना काही मोठी चूक आहे. आणि त्यामुळे वापरणाऱ्याला डोकेदुखी होते. ते आत्ताचच उदाहरण आहे ना गुगल किती वैतागले. शेवटी इंटरनेट एक्सप्लोरर ६ मध्ये त्यांच्या जीमेलच्या डॉक्स वगैरे बंद करण्याचा निर्णय घेतला. परवा पासून त्यांनी बंद केल आहे. कालपर्यंत बरचसं काम पूर्ण केल होत. आता ते पुन्हा करायचं आहे. या चुका परत करणार नाही. आणि त्या इंटरनेट एक्सप्लोररवर विश्वास ठेवणार नाही. आणि सोफ्टवेअर द्या नाही तर पर्यायी काही तरी सोय करा अस त्या माझ्या प्रोजेक्ट मेनेजरला मेल टाकतो.


प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही.